Börn sem drekka oft fitumikla mjólk eru léttari

Átta ára börn sem drekka fitumikla mjólk á hverjum degi eru með lægri líkamsþyngdarstuðul (BMI) en þau sem drekka sjaldan mjólk. Þetta er hinsvegar ekki raunin hjá börnum sem drekka meðal feita eða fitulitla mjólk. Þetta er niðurstaða rannsóknar sem kynnt var í Sahlgrenska Academy við Háskólann í Gautaborg, Svíþjóð.

Rannsóknin sýndi að börn sem drekka fitumikla mjólk á hverjum degi vega að meðaltali 4 kílóum minna.

“Þetta er athyglisverð niðurstaða en við vitum ekki af hverju þetta stafar. Þetta gæti verið vegna þess að börn sem drekka fitumikla mjólk borði einnig fleira sem hefur áhrif á þyngd þeirra. Önnur möguleg skýring er að þau sem ekki drekka fitumikla mjölk eigi það til að drekka meira af svaladrykkjum í staðin,” sagði næringarfræðingurinn Susanne Eriksson, höfundur ritgerðarinnar.

Vísindamennirnir tóku einnig eftir mun á offitu barna sem drukku fitumikla mjólk á hverjum degi og þeim sem gerðu það ekki. Börn sem drukku mjólk með 3% fitu (fitumikil) voru grannari. Rannsóknin sýndi einnig að börn borða meira af mettaðri fitu heldur en ráðlagt er, þau börn sem borða meira af fitu eru með lægri líkamsþyngdarstuðul (BMI) heldur en börn sem borða minni fitu.

Susanne Eriksson athugaði næringu, líkamsbyggingu og efnasamsetningu beina 120 heilbrigðra 8 ára barna. Stóran hluta af niðurstöðunum er núna hægt að nota til hliðsjónar við  það að meta hvað er eðlilegt fyrir heilbrigt barn á þessum aldri. Börnin töldu upp hvað þau borðuðu dagin áður og svöruðu spurningum um hversu oft þau borðuðu ákveðinn mat. Áhættumerki í blóði barnanna voru einnig skoðuð.
… skoða færslu »

Börn sem borða sætindi á hverjum degi, ofbeldisfyllri seinna á lífsleiðinni

Þau börn sem borða sætindi og súkkulaði á hverjum degi eru líklegri til að verða ofbeldisfull á fullorðnisárum, samkvæmt nýrri rannsókn.

Í rannsókninni var inntaka 17.500 tíu ára barna á sætindum og súkkulaði kannaður, þetta var 1970, þau sem átu sætindi á hverjum degi voru líklegri til að hafa verið dæmd fyrir ofbeldi við 34 ára aldur.

Rannsóknin var birt í október útgáfunni af British Journal of Psychiatry og er sú fyrsta sem sýnir fram á tengingu milli mataræðis barna og ofbeldis á fullorðnisárum.

Rannsakendurnir við Cardiff Háskólann fundu út að 69% þátttakenda sem borðuðu sætindi á hverjum degi á barnsaldri höfðu verið ákærðir fyrir ofbeldi 34 ára en aðeins 42% þeirra sem ekki fengu sætindi eins oft.

Þessi tenging á milli sætindaneyslu og ofbeldis var enn til staðar þegar tekið var tillit til annara þátta.

Rannsakendurnir settu fram nokkrar skýringar á þessari tengingu. Dr. Simon Moore sem leiddi verkefnið sagði, “Uppáhalds skýringin okkar er sú að með því að gefa börnum sætindi reglulega getur það komið í veg fyrir að börn læri að bíða eftir því sem það langar í. Það að geta ekki frestað verðlaununum gæti stuðlað að hvatvísari hegðun sem á margt sameginlegt með ofbeldisfullum einstakling.”

Rannsakendurnir bættu við að tenginguna á milli sætinda og ofbeldis þyrfti að skoða betur. Meiri áhersla á mataræði barna mun geta bætt heilsu og minnkað ofbeldishneigð.

[Auk British Journal of Psychiatry þá var fjallað um rannsóknina á vefjum Sciencedaily.com og Physorg.com]

Við höfum áður sagt frá rannsóknum tengdum því að fresta verðlaunum til að fá kannski betri verðlaun seinna og aganum sem þarf til þess. Þar var fjallað um börn sem voru að reyna að standast freistingu sykurpúða.

Ekki borða sykurpúðann strax

Í þessu stutta myndbandi frá TED ráðstefnunni fjallar Joachim de Posada um rannsóknir á því að fresta verðlaunum, að neita sér um hlut núna til þess að fá meira seinna, og hvernig það getur sagt til um velgengni í framtíðinni.

Tilraunin snérist um það að setja sykurpúða fyrir framan 4-5 ára gamalt barn og segja því að ef það borðar ekki sykurpúðann næstu 15 mínúturnar þá fái það tvo sykurpúða. Síðan er barnið látið vera eitt í herberginu allan tímann.

Í myndbandinu er að finna kostuleg myndbrot af börnum að reyna að halda aftur af sér og borða ekki sykurpúðann.

Offita barna tengd foreldrum

Sambandið milli barna og foreldris þeirra af sama kyni á yngri árum þess gæti verið lykillinn að skilningi á því af hverju sumt ungt fólk verður of feitt en annað ekki, þetta sýnir ný rannsókn framkvæmd af EarlyBird Diabetes.

Rannsókn sem var gefin út 13. júlí í International Journal of Obesity bendir til að stelpur sem eiga móður í yfirþyngd eru líklegri til að eiga í vandræðum með þyngdina í barnæsku, álíka samband er á milli feðra og sona.

Niðurstöðurnar sýna að ekki er sama tenging á milli mæðra og sona þeirra, né feðra og dætra þeirra – þýðir þetta að sambandið er lífstílstengt frekar en genatengt.

Prófessor Terry Wilkins sem var yfir rannsókninni sagði: “Öll erfðatenging milli of feitra foreldra og barna myndi ekki fara eftir kyni. Hin greinilega kyntenging sem rannsókn okkar hefur sýnt fram á er spennandi vegna þess að hún bendir til að lífstílsþættir skipta mestu máli í offitu barna.”

“Þessar niðurstöður gætu breytt áherslum okkar um offitu barna verulega. Peningum og tíma hefur verið varið í  börn seinasta áratuginn í þeirri trú börn í yfirþyngd verði það einnig fullorðinsaldri og að með því að hindra börn í að verða of feit munum við koma í veg fyrir vandamálið á fullorðinsárum. Sönnunargögn EarlyBird styðja andstæða tilgátu- að börn séu að verða of feit vegna áhrifa frá foreldrum þeirra af sama kyni, þannig að við verðum að breyta hegðun foreldranna ef við viljum berjast gegn offitu í börnum.”

Keisaraskurður hefur áhrif á ónæmiskerfi barna

Vísindamenn við Karolinska Institutet í Svíþjóð hafa uppgötvað að börn sem eru fædd með keisaraskurði verða fyrir breytingum á erfðaefninu í hvítu blóðfrumunum, þetta gæti verið tengt auknu álagi sem verður við þessa gerð af fæðingu og hluti af ástæðunni fyrir því að börn fædd með keisaraskurði hafa aukna hættu á sjúkdómum seinna meir í lífinu. Niðurstöðurnar eru birtar í Júlí blaði vísindatímaritsins Acta Paediatrica

“Niðurstöður okkar eru fyrstu sönnunargögnin um að snemmbúinn forritun á ónæmiskerfinu við barnsburð gæti haft hlutverk”, segir Prófessor Mikael Norman.

Keisaraskurður verður stöðugt algengari og er sem stendur algengasta skurðaðgerðin sem konur á barnsburðaraldri fara í. Þar til nýlega þá hafa langtímaáhrifin af þessari aðferð ekki verið könnuð. Nú er talið að genabreytingar gætu skýrt hvers vegna fólk sem var tekið með keisaraskurði eru seinna meir í lífinu líklegri til að fá sjúkdóma, en önnur kenning sem hefur verið uppi er að vegna þess að barnið kemst ekki í sömu snertingu við gerla móður sinnar og annars þá þróist ónæmiskerfið ekki jafnvel.

Þeir sjúkdómar sem þeir sem fæðast með keisaraskurði eru líklegri til að fá eru meðal annars sykursýki og astmi.

Norsk rannsókn sem var unnin úr gögnum frá börnum fæddum 1988 og 1998 sýndi að við venjulegan keisaraskurð jókst hættan á astma um 40% á meðan að við neyðarkeisaraskurð jókst hættan um 60%.

Írsk rannsókn frá árinu 2008 skoðaði 20 útgefnar rannsóknir frá 16 löndum sem innihéldu 10.000 börn með 1. gerðina af sýkursýki og yfir milljón börn í samanburðarhópi. Niðurstöður þeirrar rannsóknar voru að hættan á sykursýki jókst um 20% hjá börnum sem voru tekin með keisaraskurði þegar búið var að útiloka aðrar ástæður .

Í rannsókninni við Karolinska Institutet voru tekin sýni úr naflastreng 37 nýfæddra ungabarna rétt eftir fæðingu og aftur 3-5 dögum seinna. Blóðsýnin voru rannsökuð til að finna út hlutfall DNA-metýlunar (efni sem breytir byggingu DNA) í hvítu blóðfrumunum, þau eru mikilvægur hluti ónæmiskerfisins. Niðurstöður þess voru þær að börnin 16 sem voru fædd með keisaraskurði höfðu meira af DNA-metýlun strax eftir fæðingu en börnin 21 sem fæddust á hefðbundinn hátt. Þrem til fimm dögum eftir fæðingu hafði DNA-metýlun minnkað í þeim börnum sem voru tekin með keisaraskurði til jafns við þau sem fæddust á hefðbundinn hátt.

Vísindamennirnir benda á að ástæðan fyrir því að DNA-metýlun sé meiri eftir keisaraskurð sé óþekkt og ennþá eigi eftir að framkvæma fleiri rannsóknir.

“Þó við vitum ekki enn hvernig tjáning sérstakra gena verður fyrir áhrifum við keisaraskurð, eða að hvaða leyti þessi genamismunur hefur langtímaáhrif, þá teljum við að niðurstöður okkar opna fyrir nýtt tímabil af mikilvægum klínískum rannsóknum” segir aðalhöfundurinn Titus Schlinzig.

Má þá ætla að þurfi að huga sérlega vel að ónæmiskerfi barna sem fæðast með keisaraskurði eftir fæðingu, að hafa gæludýr getur hjálpað til þroska ónæmiskerfisins en varast verður að nota mikið af hreingerningaefnum á heimili barns þar sem að það eykur líkurnar verulega á sjúkdómum tengdum ónæmiskerfinu. Hefur þetta að mestum líkindum með það að gera að ónæmiskerfið þarf örvun til að þroskast og læra hvað eru gagnlegar frumur og hverjar eru ógagnlegar.

[Heimildir: Karolinska Insitutet, Physorg 1, 2, 3, 4]

Getur síðbúinn háttatími aukið líkur á þunglyndi og sjálfsmorðshugleiðingum hjá unglingum?

Strangari reglur foreldra um háttatíma og lengri svefn, geta bjargað börnum frá þunglyndi og sjálfsmorðshugleiðingum, samkvæmt rannsókn sem var opinberuð þann 9. júní síðasliðin.

Í rannsókninni skoðaði Dr. James Gangwisch frá Columbia University í New York, gögn 15.659 unglinga. Alls þjáðust 1.143 (7,3%) af þunglyndi og 2.038 (13%) höfðu sjálfsmorðshugleiðingar. Unglingar sem fengu að vaka fram yfir miðnætti voru 25 prósent líklegri til að þjást af þunglyndi og 20 prósent líklegri til að kljást við sjálfsmorðshugleiðingar, samanborið við táninga sem voru með háttatíma klukkan 10 eða fyrr.

“Það er algengt álit fólks að táningar þurfi ekki jafn mikinn svefn og yngri börn, samt bendir rannsóknin til þess að táningar þurfi meiri svefn,” sagði Gangwisch. “Rannsóknin sýndi að unglingar fara ekki nógu snemma að sofa til að geta komið til móts við árla skólatíma og tilfærsla skólatíma, framar, hafa sýnt fram á tengingu við mikla svefnóreiðu hjá unglingum.”

Samkvæmt Gangwisch renna niðurstöðurnar stoðum undir þau rök að það sé tenging milli ófullnægjandi svefns og þunglyndis. “Unglingar með seinni háttatíma, fóru seinna að sofa, fengu minni svefn og voru ólíklegri til að fá nægan svefn. Stuttur svefn skýrir tenginguna á milli háttatíma og þunglyndis.”