Verið er að þróa bóluefni gegn nikótíni

Glaxio-SmithKline hafa ásamt Nabi Pharmaceuticals hafið þróun á bóluefni sem hjálpar reykingamönnum að hætta að reykja.

Bóluefnið, NicVAX virkar þannig að það kemur í veg fyrir að nikótínið komist í heilann, kemur það þá í veg fyrir að reykingamaðurinn upplifi neina af þeim ánægjutilfinningum sem gera reykingar svona ávanabindandi. Sprautan dugar í um það bil mánuð og reykingamaðurinn þyrfti líklega sprautu mánaðarlega í 6 mánuði til að vera viss um að fíkninni sé endanlega lokið.

Bóluefnið örvar ónæmiskerfið til þess að framleiða mótefni gegn örsmárri nikótín sameindinni, sem er aðalávanabindandi efnið í tóbaksreyk. Mótefnin binda sig við nikótínið og samsetningin er of stór til að komast frá blóðinu inní heilann.

Tilraunir með fimm sprautanir voru gerðar af fimm stofnunum, þar á meðal háskólanum í Kaliforníu, sýndu þær að varan hjálpaði 50% reykingamanna að hætta á meðan tilrauninni stóð. Í annari tilraun var reykingamönnunum gefnar sex sprautur af bóluefninu og í þeirri tilraun þá fengu 80% reykingamannana nægt magn af nikótín mótefnum.

Forseti líffræðideildar Glaxio-SmithKline, Jean Stephanie, sagði að ef bóluefnið yrði leyft og sett á markað þá gæti það hjálpað milljónum manna um allan heim að hætta að reykja. Talið er að um 70% reykingamanna reyni að hætta á hverju ári en aðeins 5-15% ná að hætta í meira en ár án þess að byrja aftur.

Það eru margar aðrar vörur sem hjálpa reykingamönnum við að hætta að reykja, t.d. tyggjó, nefúðar og plástrar, fyrir marga reykingamenn er samt erfitt að byrja ekki aftur. Þessi hjálpartæki útvega nikótín með öðrum aðferðum en að reykja sígarettur. Með því að fá skammt af nikótíni þá minnka fíkniáhrifin og leyfa líkamanum að aðlagast því að vera laus við reykingar. Skammtar eru minnkaðir þangað til inntöku nikótíns er algjörlega hætt. Mikið af fólki byrjar aftur að reykja þegar skammturinn er minnkaður eða inntöku nikótíns er hætt. NicVAX virkar á algjörlega annan hátt þar sem það kemur í veg fyrir að nikótínið komist inní heilann.

Bóluefni sem hjálpar fólki að hætta algjörlega að reykja gæti bjargað milljónum mannslífa um allan heim og skorið af fjárhagsbyrðinni á heilsukerfið vegna reykingatengdra vandamál. Ef síðustu prófin fyrir NicVAX eru árangursrík þá gæti það verið komið á markað eftir rúmlegar ár.

[Heimild: PhysOrg]

HIV bóluefnisklúður líklegast vegna vírusins sem var notaður

Nýlegt klúður með HIV bóluefni varð líklega vegna þess að ónæmiskerfið var að svara vírusskelinni sem var notuð til að bera meðferðina um líkamann, samkvæmt rannsókn sem var birt í gær í Proceeding of the National Academy of Sciences.

Tilraunin, sem kallaðist ‘STEP’ var stoppuð í september 2007 vegna þess að fyrstu niðurstöður bentu til að fólk sem hafði fengið bóluefnið var líklegra til að smitast af HIV en fólk sem hafði fengið lyfleysu.

Rannsakendurnir bakvið nýju rannsóknina segja að niðurstöður þeirra þýði að vísindamenn gætu þurft að endurhugsa önnur bóluefni sem er verið að þróa gegn sjúkdómum eins og HIV, berklum og malaríu, sem eru gefin á sama hátt, með sömu vírusskelinni.

Bóluefnið notaði adenovírus, sem veldur venjulega hinu algenga kvefi, svo það gæti ferðast um allan líkamann. Meinlaus HIV gen voru síðan sett inní vírusinn. Það var talið að þetta myndi hjálpa ónæmiskerfinu að læra að þekkja og berjast gegn HIV.

Rannsóknin sem var birt í gær bendir til eftir að hafa fengið tilraunabóluefnið, þá hafi fólk sem hafði þá þegar byggt upp ónæmi gegn adenovírusnum fengið innstreymi af ónæmisfrumum sem kallast CD4 T-frumur, þær söfnuðust saman í slímhimnum, þar sem þær gerðu sig svo tilbúnar til að berjast gegn nýja adenovírus smitinu. Slímhimnur finnast á svæðum eins og nefinu, munninum, leggöngunum og meltingarveginum. HIV smitar CD4 T-frumur þannig að HIV fékk óvart gnægð mögulegra nýrra heimila á þeim stöðum þar sem vírusinn myndi náttúrulega fara inní líkamann við kynmök, þannig að hætta fólks á að smitast jókst.

Rannsakendurnir segja að niðurstöður þeirra séu viðvörun fyrir vísindamenn sem eru að þróa adenovírus bóluefni gegn öðrum sjúkdómum, þar sem sömu áhrifin verða með öðrum og jafnvel öllum undirgerðum af adenovírus.

Adenovírus er algengur og það eru þekktir 51 mennskir stofnar. Um helmingur allra fullorðinna í hinum þróaða heimi og um 90% einstaklinga í Afríku fyrir sunnan Sahara, þar sem HIV er algengast, hafa byggt upp ónæmi af þeim stofni af adenovírus sem var notaður í STEP.

Dr. Steven Patterson sem er í forsvari fyrir rannsóknina sagði: “HIV er mikil ógn við heilsu um allan heim, þar sem 2,7 milljónir manna smitast á hverju ári. Við vorum öll vongóð um að STEP tilraunin myndi verða árangursrík, þannig að þegar rannsakendurnir gáfu út niðurstöður sínar og tilraunin var stoppuð, þá vorum við öll undrandi og urðum fyrir vonbrigðum. Vísindamenn nota adenovírus í allskonar bóluefni og við bjuggumst ekki við þessari niðurstöðu. Það var mikilvægt að komast að því hvað olli þessari aukningu í hættu á HIV smiti svo við gætum komist framhjá sama vandamáli í tilraunum framtíðarinnar.”

“Rannsókn okkar bendir til að HIV bóluefnið sem er byggt á adenovírus segi nákvæmlega þeim frumum sem HIV smitar að safnast saman þar sem HIV er líklegast til að koma inní líkamann. Þetta er klárlega eitthvað til að hafa áhyggjur af með þessa gerð af bóluefni. Vísindamenn eru núna að þróa bóluefni byggð á adenovírus til að vernda fólk gegn berklum, malaríu og HIV, en þeir gætu þurft að endurhugsa þessi bóluefni ef þau áhrif sem við lýsum í nýju ritgerðinni okkar er vandamál fyrir þau öll,” bætti Dr. Patterson við.

[Heimild: Imperial College London]

Bóluefni gegn klamydíu ekki svo fjarri

Þegar kona smitast af klamydíu, þá eru fyrstu hvítu blóðfrumurnar sem koma á staðinn til að berjast gegn smitinu ekki þær hæfustu. Sýnt er fram á þetta í ritgerð frá Sahlgrenska akademíunni. Þessi uppgötvun gætti leitt veginn fyrir frekar hraða þróun að bóluefni gegn klamydíu.

“Núna þegar við vitum hvernig líkaminn ver sig gegn klamydíu bakteríunni, þá getum við þróað bóluefni sem hámarkar þessar varnir. Við höfum grunnskilning á því hvernig bóluefnið gæti virkað, en það er ýmis vinna óunnin. Við teljum að það séu nokkur ár í að bóluefnið verði að veruleika,” segir rannsakandinn Ellen Marks, höfundur ritgerðarinnar.

Líkaminn ver sig gegn smiti með gerð af hvítum frumum sem kallast T-eitilfrumur. Þegar þessar blóðfrumur ráðast á bakteríuna, þá setja þær af stað bólgu sem getur skaðað vefi, þannig að það eru einnig líkar blóðfrumur sem hafa það að aðalverkefni að draga úr bólgumyndun og vernda vefi. Ellen Marks og samstarfsfélagar hennar eru fyrsti rannsóknarhópurinn til að uppgötva að þessi kraftar gegn bólgumyndun eru þegar ríkjandi í neðri pörtum kynfæra kvenna, því er aðallega stjórnað af hormóni sem kallast IL-10, sem er mjög verndandi gegn vefjaskemmdum.

“Niðurstaðan er að T-eitilfrumur sem gætu barist gegn klamydíu eru ekki í neinu magni neðarlega í leggöngunum og smitið getur borist upp að leginu óhindrað,” sagði Ellen Marks.–
Rannsóknarhópurinn hefur nú þegar hugmynd um hvernig bóluefni byggt á þessum nýju upplýsingum gæti virkað og hafa einnig prófað það á músum.

“Aðferðin til þess að gefa bóluefnið er mikilvægt óklárað verkefni. Fyrri rannsóknir hafa sýnt að sprauta virkar ekki, þannig að það þarf líklega að gefa bóluefnið annaðhvort sem nefúða eða sem krem sem þarf að setja inní leggöngin,” sagði Ellen Marks.

[Heimild: háskólinn í Gothenburg]

Samvinna nauðsynleg til að þróa bóluefni gegn HIV

MIT hagfræðingurinn Jeffrey Harris segir að á meðan vísindalegar fyrirstöður fyrir því að búa til HIV bóluefni séu miklar, þá valdi skortur á viðskiptamöguleikum miklum vandræðum.

Í ritgerðinni sinni, “Af hverju við höfum ekki HIV bóluefni og hvernig við getum þróað þannig,” sem var gefin út í Nóvember/Desember útgáfunni af vísindaritinu Health Affairs, skrifar Harris að “nýleg saga tilrauna til að þróa HIV bóluefni séu skólabókardæmi í hagfræði um ónæga hvatningu fyrir einkaaðila.”

Vegna nýlegra árangurslausa tilrauna við að þróa bóluefni gegn HIV þá hafa margir vísindamenn gefið upp alla von um að framleiða bóluefni. Harris skrifar, “grunnvinnan verður aðeins lögð fyrir mikla byltingu í þróun bóluefnis þegar það eru nýjir samningar sem hvetja einkaaðila til að þróa bóluefni; þegar við höfum á skýran hátt skilgreint réttinn að gróðavænlegum Norður-Ameríku markaði; þegar við höfum sett upp kerfi fyrir vernd gegn skaðabótaskyldu vegna aukaverkana bóluefnisins og þegar klínískar rannsóknir okkar prófa einnig hegðunarlegar aukaverkanir bóluefnisins.”

Þróunin á HIV bóluefni er óvenju hættuleg fyrir einkafyrirtæki. Eftirspurn eftir bóluefninu mun fara eftir sveiflukenndum ákvarðanatökum ríkisstjórna um hvort þau setji af stað stór bólusetningar átök. Alþjóðlegur pólítískur þrýstingur gæti komið í veg fyrir að bóluefnis framleiðandi sem næði árangri gæti rukkað nógu mikið til að endurheimta fjárfestingu sína, sérstaklega ef einhver lönd neyða framleiðandann til að selja leyfið undir kostnaði til annara framleiðanda. Einnig gæti slæmt umtal um aukaverkanir leitt til dræmrar sölu og kæra vegna skaðabótaskyldu. Á meðan vísindasamfélagið hefur lært mikið frá mörgum bóluefnis rannsóknum sem gengu ekki upp þá hafa framleiðendur þessara tilrauna bóluefna hingað til ekki getað breytt þessum smáskrefa framförum í hagnað. Það hefur mikið verið talað um þörfina á að deila gögnum, líffræðiprufum og rannsóknarstofutækni. Frá sjónarhóli hagfræðingsins þá er mikilvægasti hluturinn regluverk til að deila áhættunni.

Harris segir að nýjir samningar milli opinbera aðila og einkageirans munu minnka fjárhagsáhættur fyrir hugsanlega bóluefnisframleiðendur. Þessir samningar myndu innihalda verðlaun fyrir fyrirtæki sem ná að þróa millistig af bóluefni frekar en bara ein verðlaun fyrir að koma með lokaútgáfu af bóluefni; myndi þetta gera að verkum að bóluefnis framleiðendur hefðu meiri hvatningu til að taka þátt í sameiginlegum verkefnum og setja á fót kerfi til verndunar gegn skaðabótaskyldu frekar nú en síðar. Harris skrifar að til að halda hraðar áfram með prófanir á mönnum, þá þyrfi að semja á milli framleiðenda landa og prófunar landa, þar sem tíðni HIV er hvað hæðst. “Að setja þessar breytingar af stað eru að öllu leyti jafn mikilvægt við þróun HIV bóluefnis og að hafa vísindin rétt.”

[Heimild: MIT]

Svínaflensa: 8 mýtur sem betra er að vita af.

Önnur bylgjan af svínaflensu herjar nú á norðurhvel jarðarinnar. Greindum fjölgar hratt og í mörgum löndum eru bólusetningar varla byrjaðar.