Mynd Vikunnar: Geimferðir mannkynsins

Við hjá Vísindin.is höfum ákveðið að byrja á nýjung sem kallast “Mynd Vikunnar”. Við munum birta myndina hverja helgi hér eftir og munu þetta að sjálfsögðu vera vísindatengdar myndir s.s. skýringarmyndir, myndir af fegurð náttúrunnar eða einfaldlega skondnar myndasögur sem tengjast vísindum á einhvern hátt. Er þetta aðeins meira léttmeti en margar greinarnar sem við birtum hérna.

Á þessari mynd eru sýndar geimferðir okkar jarðarbúa til hinna ólíku plánetna sólkerfisins.

Veitið því eftirtekt hvað geimförin Voyager (1 og 2) og Pioneer (10 og 11) eru komin langt áleiðis í átt að endimörkum sólkerfisins. Það verður gaman að sjá hvað framtíðin ber í skauti sér hvað varðar ferðir til annara plánetna.

Týndur heimur fundinn í eldfjalli í Papúa Nýja-Gínea

Leiðangur á vegum BBC niður í gíg óvirks eldfjalls í Papúa Nýju-Gíneu uppgötvaði nýlega týndan heim af furðulegum, nýjum og sjaldgæfum, dýrategundum, þar á meðal nýjar froskategundir, risavaxna rottutegund, fjöldi nýrra skordýra og nýja tegund af leðurblökum.

Rannsóknarhópurinn sá að gígurinn var heimili stórfenglegra fugla, og þar sem engar kattartegundir eða apategundir var þarna að finna eru helstu rándýrin risavaxnar eðlur. Einnig var að finna kengúrur en á þessum stað hafa þær þróast til lífs uppi í trjám. Fleiri nýjar dýrategundir voru felulitaðar Gekkó eðlur, froskar með vígtennur og fisktegund sem þeir kölluðu Henamo rymjarinn, vegna þess að hann framkallar eins konar rymjandi hljóð úr sundblöðru sinni.

“Þessar uppgötvanir eru mjög merkilegar,” sagði Steve Backshall, klifurmaður og náttúrulífsunnandi sem vingaðist svo vel við áður óséð Bosavi silky cuscus pokadýr, að það settist á öxl hans og uni sér vel.

Myndir af sólmyrkvanum frá Hinode gervitunglinu

Á miðvikudaginn, 22. júlí 2009, var almyrkvi á sólu sem sást á mjóu belti sem teygðist yfir hálfa jörðina. Skuggi tunglsins byrjaði í Indlandi og fór í gegnum Nepal, Bangladess, Bhutan, Myanmar og Kína. Eftir að hafa yfirgefið meginland Asíu fór skugginn yfir Ryukyu eyjar Japans og sveigði í suðaustur yfir Kyrrahafið. Almyrkvinn stóð alls yfir í 6 mínútur og 39 sekúndur, sem er með því lengra sem gerist. Deildarmyrkva var hægt að sjá á breiðara svæði sem náði yfir megnið af Austur-Asíu, Indónesíu og Kyrrahafið.

Á þessum myndum sem gervitunglið Hinode fangaði má sjá tunglið ferðast fyrir sólu og í almyrkvanum sést sólkórónan vel.