Er kannabis svarið við áfengisvandamáli Breta?

Með því að skipta kannabis inn fyrir skaðlegri lyf væri hægt að ná miklum árangri í baráttunni gegn lyfja og áfengismisnotkun. Í rannsókn sem birt er í Harm Reduction Journal og innihélt 350 kannabisneytendur þá notuðu 40% þeirra kannabis til að hafa stjórn á áfengislöngun, 66% í staðinn fyrir lögleg lyf og 26% í staðinn fyrir önnur, hættulegri, ólögleg lyf.

Amanda Reiman, við háskólann í Kaliforníu, Berkeley gerði rannsóknina hjá söluaðila með marijúana í lækningaskyni. Hún sagði, „Að skipta kannabisi inn fyrir alkahól hefur verið lýst sem róttækri meðferð við áfengisneyslu. Þessi aðferð gæti verið notuð gegn mikilli áfenisneyslu á Bretlandseyjum, fólk gæti notað kannabis, sem er líklega öruggara lyf en áfengi með færri neikvæðum aukaverkunum, ef það væri samfélagslega ásættanlegt og í boði“.

Reiman fann að 65% sögðust nota kannabis frekar en áfengi eða lögleg og ólögleg lyf vegna þess að það væru minni afeitrunar áhrif og 57,4% vegna betri stjórnunar á einkennum sjúkdóma. Hún sagði, „Þetta snýst um tvö mikilvæg atriði. Fyrst sjálfval, réttur einstaklingsins til að velja hvaða meðferð eða efni virkar best og ber minnstan skaða fyrir þá. Annað atriðið er viðurkenningin á því að skiptiaðferð gæti verið möguleg lausn fyrir þá sem geta ekki eða vilja ekki hætta að nota geðvirk efni“.

Talandi um lögleiðingu kannabisefna, þá bætti Reiman við, „Efnahagsástandið í kreppunni miklu hjálpaði til við að binda enda á áfengisbannið. Núna aftur stöndum við frammi fyrir efnahagserfiðleikum, Bandaríkin horfa á marijúana sem hugsanlega tekjulind. Stuðningur almennings fyrir lögleiðingu er rísandi og helst hár fyrir notkun á marijúana sem lyfi. Vonin er að þessi áhugi muni þýða aukin stuðning við rannsóknir og fjarlægingu hamlana á rannsóknum á marijúana“.

[Heimild: BioMed Central]

Eru áhrif kláms hverfandi?

Rannsakandi við háskólann í Montreal sem er fjármagnaður af rannsóknarmiðstöðinni um fjölskylduofbeldi og ofbeldi gegn konum hefur hafið rannsókn þar sem rannsökuð eru áhrif kláms á karlmenn. „Við hófum rannsókn okkar með leit að karlmönnum á þrítugsaldri sem höfðu aldrei neytt kláms. Við gátum ekki fundið neinn,“ sagði Simon Louis Lajeunesse, prófessor.

„Tilgangur vinnu minnar er að athuga áhrif kláms á kynhegðun karlmanna og hvernig það hefur áhrif á sýn þeirra á karlmenn og konur,“ sagði Lajanuesse. Til að gera það hefur hann hingað til ráðið og tekið í viðtal 20 gagnkynhneigða karlkyns háskólanemendur sem neyta kláms.

„Þeir deildu kynlífssögu sinni og byrjuðu á fyrstu kynnum sínum af klámi, sem var snemma í æsku. Ekki neitt viðfangsefnanna var með sjúklega kynhegðun. Í rauninni var kynlífshegðun þeirra allra mjög hefðbundin,“ sagði Lajeunesse.

Niðurstöður þessa hluta rannsóknarinnar eru þær að 90% kláms er neytt á netinu á meðan 10% kemur frá myndbandsleigum. Að meðaltali horfa einhleypir karlmenn á klám þrisvar í viku í 40 mínútur. Þeir sem eru í föstu sambandi horfa á klám að meðaltali 1,7 sinnum í viku í 20 mínútur.

Lajeunesse uppgötvaði að flestir strákar leiti að klámefni við 10 ára aldur þegar þeir eru hvað kynferðislega forvitnastir. Hinsvegar henda þeir frá sér því efni sem þeim líkar ekki og finnst móðgandi. Þegar þeir eru orðnir fullorðnir þá halda þeir áfram að leita að efni sem passar við þeirra hugmynd um kynlíf. Þeir neyta einnig sjaldan klámefnis sem par og velja alltaf það sem þeir horfa á.

Öll viðfangsefnin sögðust styðja jafnræði kynjanna og fundust þeir vera fórnarlömb áróðurs gegn klámi. „Klám hefur ekki breytt sýn þeirra á konur og sambandi þeirra sem þeir vilja eins jafnt og uppfyllandi og mögulegt er. Þeir sem gátu ekki upplifað kynlífsdraumóra sína í alvöru lífinu með maka sínum settu draumórana einfaldlega til hliðar. Draumórarnir virka ekki í alvöru lífinu og menn vilja ekki að makar sínir líti út eins og klámstjörnur,“ sagði Lajeunesse.

Lajeunesse hrekur þau rök að klám hafi einhver pervísk áhrif. „Árasaraðilar þurfa ekki klám til að vera árásargjarnir og fíklar geta verið sjúkir í lyf, áfengi og leiki, andfélagsleg tilfelli eru líka sjúkleg. Ef klám hefði þau áhrif sem margir halda fram, þá þyrfti bara að sýna samkynhneigðum gagnkynhneigðar myndir til að breyta kynhneigð þeirra.“

[Heimild: Háskólinn í Montreal]

Trúað fólk telur sína skoðun vera skoðun guðs

Ný rannsókn skoðar muninn á skoðunum fólks og hvað það telur vera skoðun guðs ásamt hugmyndum þeirra um skoðanir annars fólks. Rannsóknin var leidd af Nicholas Epley, prófessor í hegðunarfræðum við háskólann í Chicago.

Trúað fólk virðist hafa eigin skoðanir til hliðsjónar þegar það ímyndar sér hverjar skoðanir guðs eru, en eru ekki jafn föst í eigin skoðunum þegar það reynir að átta sig á skoðunum annars fólks, samkvæmt nýrri rannsókn sem er birt í 30. nóv. útgáfu Proceedings of the National Academy of Sciences.

Rannsóknin innihélt spurningalista og segulsneiðmyndatökur til að rannsaka að hvaða leyti skoðanir fólks stýrir spám þeirra um skoðanir guðs.

Ritgerðin segir frá niðurstöðum 7 mismunandi rannsókna. Fyrstu fjórar innihéldu könnun á fólki sem ferðaðist með almenningssamgöngum í Boston, háskólanemendum í Chicago og netkönnun. Í þessum könnunum, þá sögðu þáttakendur frá sínum eigin skoðunum um viss málefni, skoðun guðs á málefnunum ásamt öðrum, þar á meðal Bill Gates, Barry Bonds, George Bush og meðalameríkanans.

Tvær aðrar rannsóknir reyndu báðar að hafa bein áhrif á skoðanir fólks og fundu að hugmyndir þeirra um skoðanir guðs voru líkar þeirra eigin skoðunum. Þáttakendur í rannsókninni voru meðal annars látnir skrifa og flytja ræðu sem studdi eða var á móti dauðarefsingunni fyrir framan upptökuvél. Skoðanir þeirra voru kannaðar bæði fyrir og eftir ræðuna.

Lokarannsóknin innihélt virka segulsneiðmyndatöku til að mæla taugavirkni þáttakendanna á meðan þeir töluðu um sínar eigin skoðanir miðað við skoðanir guðs eða annarar persóna. Gögnin sýndu að þegar fólk talaði um skoðanir guðs þá fóru af stað sömu svæðin og verða virk þegar fólk talar um eigin skoðanir.

Rannsakendurnir bentu á að fólk stillir oft siðferðislega áttavita sína eftir því hvað það telur skoðun guðs vera. „Aðaleiginleiki áttavita er hinsvegar að hann bendir í norður sama hvaða átt manneskjan snýr,“ skrifa þeir. „Þessi rannsókn bendir til, að ólíkt alvöru áttavita, þá benda hugleiðingar um hvað guð heldur fólki lengra í þá átt sem það snéri áður.“

[Heimild: Háskólinn í Chicago]

Húðlitur gefur vísbendingar um heilsu

Ávextir og grænmeti eru nauðsynleg fyrir heilsusamlegt útlitRannsakendur frá háskólunum í Bristol og St. Andrews í Bretlandi hafa fundið út að húðlitur manneskju segir til um hversu heilsusamleg og þ.a.l. aðlaðandi hún virðist vera, niðurstöður þeirra benda til að matarræði sé mikilvægt til þess að fá mest aðlaðandi húðlitinn. Vinna þeirra verður gefin út í Desember útgáfu Springer Internationl Journal of Primatology.

Með því að nota sérhæfðan hugbúnað, þá voru 54 hvítir þáttakandur af báðum kynjum látnir breyta húðlit á andlitum hvítra kvenna og karlmanna til þess að reyna að láta þau líta eins heilsusamlega út og hægt var. Þau völdu að auka roðann, gulleikann og birtustig húðarinnar.

“Flestar fyrri rannsóknir hafa einblínt á lögun andlitsins eða áferð húðarinnar, en einn helsti fjölbreytileikinn í andlitum kemur vegna mismunandi húðlitar,” sagði Dr. Ian Stephan við háskólann í Bristol.

“Við vissum frá fyrri rannsóknum að fólk sem hefði meira blóð og meiri súrefnislit í húðinni voru heilsusamlegri, þannig að við ákvaðum að skoða hvaða aðrir litir hafa áhrif á heilsusamlegt útlit. Þetta hefur veitt okkur nokkrar vísbendingar um hvaða aðrir húðlitir eru tengdir við heilsusamlegt útlit.”

Húð sem hefur smá roða og er full af súrefni bendir til sterks hjarta og lunga, sem styður niðurstöður rannsóknarinnar um að roði í húðinni líti heilsusamlegar út. Reykingamenn og fólk með sykursýki hafa færri æðar í húðinni og hún hefur þ.a.l. ekki sama roða.

Það að gullin eða gulleit húð séu merki um betri heilsu gæti verið skýrt með litarefnum sem við fáum úr ávöxtum og grænmeti. Þessi plöntu litarefni eru öflug andoxunarefni sem tína upp hættuleg efnasambönd sem eru framleidd þegar líkaminn berst við sjúkdóma. Þau eru einnig mikilvæg fyrir ónæmis og æxlunarkerfi okkar og gætu hjálpað til við að hindra krabbamein.

Þetta eru sömu litarefnin og skrúðlitaðir fuglar og fiskar nota til að sýna fram á hreysti sitt og laða til sín maka, rannsakendurnir telja að álíka líffræðilegar verkanir gætu verið að gerast í mönnum.

“Á Vesturlöndum höldum við oft að sólbað sé besta leiðin til að bæta húðlit okkar,” sagði Ian Stephen, “en rannsókn okkar bendir til að heilsusamlegur lífstíll með góðu matarræði gæti verið betri.”

Melanín, litarefnið sem veldur brúnku þegar húðin verður fyrir sólarljósi gerir húðina dekkri og gulari en þáttakendur í rannsókninni völdu að gera húðina ljósari og gulari til að fá heilsusamlegra útlit.
“Þessi uppgötvun er mjög spennandi og hefur gefið okkur lofandi vísbendingar um heilsu,” sagði prófessor David Perret við háskólann í St. Andrews, þar sem rannsóknin fór fram.

“Hvað við borðum, ekki bara hversu mikið við borðum, virðist vera mikilvægt fyrir heilsusamlegt útlit. Eina náttúrulega leiðin til að gera húðina ljósari og gulleitari er að borða heilsusamlegt fæði með mikið af ávöxtum og grænmeti.”

[Heimild: Springer]

Börn sem drekka oft fitumikla mjólk eru léttari

Átta ára börn sem drekka fitumikla mjólk á hverjum degi eru með lægri líkamsþyngdarstuðul (BMI) en þau sem drekka sjaldan mjólk. Þetta er hinsvegar ekki raunin hjá börnum sem drekka meðal feita eða fitulitla mjólk. Þetta er niðurstaða rannsóknar sem kynnt var í Sahlgrenska Academy við Háskólann í Gautaborg, Svíþjóð.

Rannsóknin sýndi að börn sem drekka fitumikla mjólk á hverjum degi vega að meðaltali 4 kílóum minna.

“Þetta er athyglisverð niðurstaða en við vitum ekki af hverju þetta stafar. Þetta gæti verið vegna þess að börn sem drekka fitumikla mjólk borði einnig fleira sem hefur áhrif á þyngd þeirra. Önnur möguleg skýring er að þau sem ekki drekka fitumikla mjölk eigi það til að drekka meira af svaladrykkjum í staðin,” sagði næringarfræðingurinn Susanne Eriksson, höfundur ritgerðarinnar.

Vísindamennirnir tóku einnig eftir mun á offitu barna sem drukku fitumikla mjólk á hverjum degi og þeim sem gerðu það ekki. Börn sem drukku mjólk með 3% fitu (fitumikil) voru grannari. Rannsóknin sýndi einnig að börn borða meira af mettaðri fitu heldur en ráðlagt er, þau börn sem borða meira af fitu eru með lægri líkamsþyngdarstuðul (BMI) heldur en börn sem borða minni fitu.

Susanne Eriksson athugaði næringu, líkamsbyggingu og efnasamsetningu beina 120 heilbrigðra 8 ára barna. Stóran hluta af niðurstöðunum er núna hægt að nota til hliðsjónar við  það að meta hvað er eðlilegt fyrir heilbrigt barn á þessum aldri. Börnin töldu upp hvað þau borðuðu dagin áður og svöruðu spurningum um hversu oft þau borðuðu ákveðinn mat. Áhættumerki í blóði barnanna voru einnig skoðuð.
… skoða færslu »

Dökkt súkkulaði dregur úr tilfinningalegri streitu

Súkkulaði “lækningin” við tilfinningalegri streitu hefur fengið stuðning frá klínískri rannsókn sem var birt á vef ACS (American Chemical Society), Journal of Proteome Research.

Hún fann það út að 40 grömm af dökku súkkulaði á dag í 2 vikur minnkaði magn streitu hormóna í fólki sem var mjög stressað. Súkkulaðið leiðrétti einnig jafnvægi nokkura lífefna tengdum streitu.

Sunil Kochhar og samstarfsmenn hans bentu á rísandi magn sannana fyrir virkni andoxunarefna og annara gagnlegra efna í dökku súkkulaði á líkamann, minni líkur á hjartasjúkdómum og öðrum líkamlegum kvillum. Rannsóknin bendir þar að auki á að súkkulaði léttir á tilfinningalegu stressi. Þar til núna voru til lítil sönnunargögn úr tilraunum á mönnum um nákvæmlega hvernig súkkulaði gæti haft þessi áhrif á streitu.

Í rannsókninni báru vísindamennirnir kennsl á skerðingu streitu hormóna og annara streitu tengdra lífefna í sjálfboðaliðunum sem töldu sig verulega stressaða og borðuðu síðan dökkt súkkulaði í 2 vikur. “Rannsóknin birtir sterkar sannanir fyrir því að dagleg neysla af 40 grömmum yfir 2 vikna tímabil sé nóg til þess að breyta efnaskiptum í heilbrigðum sjálfboðaliða,” sögðu vísindamennirnir.

Þetta rennir stoðum undir þörf margra til þess að borða mikið af súkkulaði í kvíða og sorg. Allt er gott í hófi lét einhver hafa eftir sér.

[ACS Rannsóknin]